Beul na gaoithe
CHAIDH mèirle ola chonnaidh bho tancaichean dachaigh am meud gu luath. Tha Poileas a' Chinn a-Tuath air mu 30 cùisean a chlàradh sna h-Eileanan Siar agus san Eilean Sgitheanach 's Loch Aillse far nach b' àbhaist goid ola bhith cho cumanta.
DH'AONTAICH Comhairle na Gaidhealtachd beachdan an t-sluaigh a thrusadh mu stéidheachadh sgoiltean Gàidhlig ann am Port Ruigh agus anns a' Ghearastan.
A RÉIR rannsachadh on bhuidhinn chòmhdhail reachdail HITRANS, bu chòir dhan Riaghaltas an A9 a dhèanamh dà-fhillte eadar Cinn a' Ghiùthsaich agus an Agaidh Mhór cho luath 's a ghabhas, le làn rathad dà-fhillte eadar Inbhir Nis agus Peart nas fhaide bhuainn.
THÉID coinneamhan Caibineat Riaghaltas na h-Alba a chumail an diofar àitean air Ghaidhealtachd, leithid Inbhir Nis 's an Eilein Sgitheanaich, as t-samhradh.
THÉID stailc a chumail le luchd obrach nam Maor Cladaich bho 13 Ògmhios. Ged a fhreagras iad gairmean 999 's a ghabhas iad pàirt ann an sireadh agus sàbhaladh, diùltaidh iad obair eile.
BIDH am milleanair Dòmhnall Trump ann an Leódhas an ath sheachdain, a' tadhal air seann dachaigh a mhàthar 's a' coinneachadh ri oifigich na Comhairle mu chuideachadh le leasachadh Chaisteal Leódhais.
The full article contains 221 words and appears in The Scotsman newspaper.
-
Last Updated:
06 June 2008 10:36 PM
-
Source:
The Scotsman
-
Location:
Edinburgh
