THA luchd dèanadais teagmhach mu Bhòrd na Gàidhlig an dèidh do dh'Àrd Oifigear na buidhne, Coinneach Moireach, a dhreuchd a leigeil dheth taobh a-staigh bliadhna bho chaidh fhastadh. Tha iad a' gearan nach eil luchd obrach gu leòr aig a' Bhòrd a tha eòlach air ath-bheothachadh chànan.
CHUIREADH Iain Thom, 24, a-mach á Sìona an dèidh dha crann solais faisg air Ionad Oliompach Bheijing a dhìreadh agus bratach a leigeil mu sgaoil air an robh brath a bha taiceil do mhuinntir Thibet.
CHAILL Banca Rìoghail Alba £691 millean sa c
heud leth de 2008 – an dàrna call as motha an eachdraidh bhancaireachd Bhreatainn.
CHAN eil an dà leigheas as cumanta ri duilgheadasan torrachais – an droga Clomid agus sìolachadh le taic – móran nas fheàrr idir na na dòighean nàdarra, a réir luchd rannsachaidh an Obar Dheathain.
BHÀSAICH muc mhara 45 troigh sa chladach faisg air Inbhir Nis.
CHAIDH an uiread de thiocaidean a reiceadh ro làimh do dh'Fhéis Dhùn Éideann suas 17 ás a' cheud on uiridh.
THOG Jamie Hepburn BPA iomairt an aghaidh riaghailtean Oliompach a chanas gu bheil e toirmisgte bratach na h-Alba a thaisbeanadh seach Bratach an Aonaidh aig geamaichean Beijing.
DHÙBLAICH an àireamh de na tha a' bàsachadh de mhì-chleachdadh dhrogaichean ann an 10 bliadhna.
THUIRT am Prìomhaire, Ailig Salmond, gum b' fheàrr leis £500 millean a chosg air dùblachadh an A9 na air tramaichean a thoirt a Dhùn Éideann.
The full article contains 269 words and appears in The Scotsman newspaper.
